Աջակցություն «ՎԵՐԱ» ֆիլմին․ հիմքում արցախյան վերջին իրադարձություններից ահասարսուռ մի դրվագ է (video)

ՎԵՐԱ միջազգային խաղարկային Ֆիլմի հեղինակները սկսում են ֆիլմի հասարակական աջակցության արշավ, որի նպատակն է ապացուցել, նախ՝ ինքներս մեզ, ապա ֆիլմի միջազգային արտադրողներին, որ հայությունը անտարբեր չէ Արցախի ցավի հանդեպ, և որ ֆիլմի հանդեպ կա հասարակական հետաքրքրություն արտադրող երկրում։
Արշավի առաջին հոլովակը ներկայացնում է ֆիլմի ստեղծագործական կազմի հինգ մասնակցի։ Նրանք պատմում են ինչի’ մասին է ֆիլմը, ու’մ համար է նախատեսված և ինչո’ւ պետք է աջակցել ֆիլմին։ Հուսանք, հոլովակը կոգեշնչի ձեզ, և դուք կկիսվեք այս և գովազդային արշավի հաջորդ հոլովակներով ձեր կայքէջերում, ինչով անգնահատելի աջակցություն կցուցաբերեք ֆիլմին։

Քարտային փոխանցման համար
4375 1110 1984 7783
GALSTYAN HOVHANNES
․
Բանկային փոխանցման համար
ԱՐԱՐԱՏԲԱՆԿ ԲԲԸ
Հ/Հ 1510017886876889

Ֆիլմի մասին․
ՎԵՐԱ ֆիլմի հիմքում արցախյան վերջին իրադարձություններից ահասարսուռ մի դրվագ է՝ Արցախի բլոկադայի 206-րդ օրը տեղի ունեցած մի պատմություն։
Արցախի Աղաբեկալանջ գյուղից միայնակ մայր Վերան, տանը մենակ թողնելով իր երեխաներին՝ 6-ամյա Գիտային և 3 տարեկան Լեոյին, ոտքով գնում է շրջկենտրոն՝ Մարտակերտ, ստանալու երեխաների օգնությունը՝ մեկ լիտր ձեթ և մեկ կիլոգրամ շաքարավազ։ Մի քանի ժամ անց, վերադառնալով գյուղ, Վերան իր երեխաներին չի գտնում։ Որոնումներն ընթանում են ողջ գիշեր, իսկ լուսաբացին երեխաների դիերը գտնում են Մարտակերտում, մի մեքենայի մեջ, որտեղ մոր հետևից գնացած երեխաները, ենթադրաբար, փորձել էին ապաստան գտնել հուլիսյան սաստիկ շոգից։

Այս տարի փետրվարին նախագիծը մեծ հետաքրքրություն է առաջացրել Բեռլինի միջազգային կինոշուկայում, տեղադրվել է Բեռլինալեի պաշտոնական կայքում։ Ֆիլմի դերասանական կազմում ընդգրկված են արցախցի դերասաններ, ֆիլմում հնչում է Արցախի բարբառը։ Ֆիլմի ստեղծագործական կազմում կան այլազգի բարձր որակավորման մասնագետներ, ում ներկայությունը ամրապնդելու է ֆիլմի հանդեպ վստահությունը։ Կասկած չկա, որ այս ֆիլմը գտնելու է արձագանք հայ հանդիսատեսի շրջանում և ունենալու է իր բացառիկ տեղը նոր շրջանի հայկական կինոյում։

Ֆիլմի արտադրողներն են հայկական «Էնսո Ֆիլմզ», Լյուքսեմբուրգը ներկայացնող Wady Films և Արաբական Միացյալ Էմիրություններից Adam Film FZ ltd կինոընկերությունները։
Ռեժիսորն է Հովհաննես Գալստյանը։