Ձորաղբյուրում բախվել են 33-ամյա վարսավիրի Nissan Teana-ն ու 33-ամյա ՀԿ-ի նախագահի Nissan March-ը

Երեկ՝ հոկտեմբերի 24-ին, ավտովթար է տեղի ունեցել Կոտայքի մարզում։ Ժամը 11։00-ի սահմաններում Ձորաղբյուր գյուղի կենտրոնական փողոցում բախվել են Աբովյան քաղաքի 4-րդ միկրոշրջանի բնակիչներ՝ 33-ամյա Արսեն Սարգսյանի վարած Nissan Teana մակնիշի 96 AN 966 համարանիշի և 33-ամյա Արմեն Ղազարյանի վարած Nissan March մակնիշի 35 AF 801 համարանիշի ավտոմեքենաները։ Ինչպես հայտնում է Shamshyan.com-ը՝ վթարի հետևանքով Nissan March-ի ուղևոր՝ 26-ամյա Լուսինե Մանուկյանը մարմնական վնասվածքներով տեղափոխվել է «Աբովյան» բժշկական կենտրոն։ Դեպքի վայր են ժամանել Ճանապարհային Ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ դասակի հրամանատար Հրանտ Գալստյանի գլխավորությամբ։ Փաստի առթիվ նույն վաշտի հետաքննիչ Ավետիք Ավետիսյանի կողմից նյութեր են նախապատրաստվում։ Վարորդներից Ա. Սարգսյանն աշխատում է «Հեղինե» ԱՁ-ում՝ որպես վարսահարդար, իսկ Ա. Ղազարյանը՝ «Երիտասարդական ժուռնալիստների ասոցիացիա» հասարակական կազմակերպության նախագահ։