Ինչ փոփոխություններ են առաջարկվում զինծառայողների համար

«Զինվորական ծառայության և զինծառայողի կարգավիճակի մասին» օրենքի նախագծի քննարկմանը   հիմնական զեկուցող, Պաշտպանության նախարար Վիգեն Սարգսյանը նշեց, որ օրենքը նաև իրավական հիմքեր է ստեղծում լայն հանրային քննարկում անցած «Պատիվ ունեմ» և «Ես եմ» և այլ քաղաքական փոփոխություններին միտված ծրագերի համար: Ծառայության` գործող օրենսդրությամբ նախատեսված տարածքային սահմանափակումը` բնակավայրից 150 կմ հեռավորությամբ զորամասում գտնվելն այլևս չի լինելու։ Առաջարկվում է տարածքային արտոնությունը փոխարինել բովանդակային արտոնությամբ,հայտարարեց Պաշտպանության նախարար Վիգեն Սարգսյանը: Քաղաքացին կամավոր հիմունքներով կարող է ընդգրկվել օրինակ ՊՆ-ի կողմից առաջարկվող նոր «Ես եմ» ծրագրում,որի  դեպքում ծառայության ընդհանուր ժամկետը տևելու է 3 տարի, որից առաջին 6 ամիսը կլինի ուսումնական զորամասում։ Դրանից հետո՝ հաջորդ 2,5 տարվա ընթացքում, զինծառայողը հաջորդաբար կանցկացնի մարտական դիրքերում (2 շաբաթ), զորամասում (1 շաբաթ) և արձակման մեջ (1 շաբաթ)։ Ծառայության ավարտին նրա անձնական հաշվին կփոխանցվի նաև շուրջ 5 մլն ՀՀ դրամ, որը զորացրված զինծառայողը կկարողանա օգտագործել նպատակային երեք ծրագրերից մեկում: Չեն գործելու զինծառայողի առողջական վիճակը զննող զորակոչային հանձնաժողովները: Փոփոխությունների թվում է նաև այն, որ 18 տարին լրացած արական սեռի յուրաքանչյուր ՀՀ քաղաքացի պարտավոր է զորակոչվել բանակ:« Տարկետումը չափազանց ընտրովի է, այսինքն՝ բուհ ընդունվողների ընդամենը մի փոքր տոկոսն է ստանում տարկետման իրավունք, իսկ մնացածն այսպես թե այնպես ընդհատում են իրենց կրթությունը: Ակադեմիական տարկետումը դառնում է դուռ` դեպի չծառայելը: Կարծում եմ, որ դա իր մեջ պարունակում է շատ մեծ ռիսկեր՝ և՛ կոռուպցիոն, և՛ բարոյական, և՛ ակադեմիական»,-ասաց նախարարը: