3.500-ամյա արձանիկ`Իսրայելում

Իսրայելի 7-ամյա բնակիչը հին քաղաքի հնագիտական պեղումների վայրում հայտնաբերել է արձանիկ, որը մոտավորապես 3.500 տարեկան է։ Այս մասին նշվում է երկրի արտաքին գործերի նախարարության մամուլի հաղորդագրությունում, փոխանցում է Корреспондент-ը: Օրի Գրինխութ անունով տղան, ով հայտնաբերել է արձանիկը, գտնվել է պեղումների վայրից ոչ հեռու՝ իր ընկերների հետ։ Արձանիկը թեթևակի ծածկված է եղել ավազով, այդ պատճառով էլ այն դժվար չի եղել հայտնաբերել: Ավազը մաքրելուց հետո տղան նկատել է, որ դա կնոջ կավե արձանիկ է: Տղան, տուն վերադառնալով, արձանիկը նվիրել է մորը: Վերջինս երեխային բացատրել է, որ այն հնագույն իր է և պետք է փոխանցել Հնությունների հարցերով վարչությանը: Մասնագետներն արդեն նշել են, որ գտածոն բնորոշ է քանանացիների մշակույթին: Շատ հավանական է, որ այն պատկերում է այդ ժամանակաշրջանում ապրած կնոջ: Սակայն այն կարող է լինել նաև պտղաբերության աստվածուհի Աստարտայի կերպարը։