Զինվորական սպաները հրաժարվել են կատարել Նիկոլ Փաշինյանի՝ Տավուշի դիրքերից հետ քաշվելու հրամանը

Hayeli.am-ի հստակ տեղեկություններով՝ մի շարք զինվորականներ և բարձրաստիճան սպաներ հրաժարվել են ետ քաշվել Տավուշի հայկական դիրքերից և ականազերծում կատարել՝ չենթակվելով սահմանազատման ու սահմանագծման քողի տակ տրված ապազգային հրամանին։ Ավելին՝ նրանք հրաժարական են ներկայացրել։

Այս հրամանի տակ ստորագրել է ՀՀ Զինված Ուժերի Շտաբի պետը՝ Էդվարդ Ասրյանը (մականունը՝ «Հողատու Էդո»), այլ ոչ Պաշտպանության Նախարար Սուրեն Պապիկյանը (մականունը՝ «Դանակ Սուրո»)․ ամենայն հավանականության՝ վերջինս փորձում է իրեն հնարավորինս հեռու պահել այս գործընթացից՝ Տավուշից տարածքների հանձման ողջ պատասխանատվությունը դնելով Գլխավոր Շտաբի վրա։

Հրամանը փոխանցվել է 3-րդ կորպուսի հրամանատարին՝ Ալեքսանդր Ցականյանին, ում երեկ շնորհվեց գեներալի կոչում՝ ի վարձատրություն իր ապազգային ծառայության։ Մեր տեղեկություններով՝ դիրքերը հանձնելու համար գեներալի կոչում տալու, ինչպես նաև գաղտնի և պաշտոնական ֆինանսական վարձատրություններ ստանալու մասին հստակ ու կոնկրետ պայմանավորվածություն է եղել։

Ցականյանի մի շարք ենթակա սպաներ բառացիորեն բղավելով պահանջել են իրենից ներկայացնել այդ հրամանը․ կորպուսի հրամանատարը մերժել է։

Ավելացնենք, որ փաստացի Տավուշի տարածքների հանձնման ողջ պատասխանատվությունը մնաց Գլխավոր շտաբի, հատկապես՝ Ասրյանի ու Ցականյանի վրա, թեպետ ՀՀ նախկին Պաշտպանության նախարարները մեկը մյուսի հետևից զգուշացրել էին զինվորականությանը այս վտանգի մասին։

 Telegram. https://t.me/HAYELI_am