Ալեն Սիմոնյանի ուղղորդմա՞մբ եք դիմել իրավապահներին․ Ասլանյանը` երեկ տեղի ունեցած միջադեպի մասին (video)
ՔՊ-ական պատգամավոր Հակոբ Ասլանյանը պնդում է՝ երեկ տրանսպորտի մեջ տեղի ունեցած միջադեպի դեպքով երիտասարդը պետք է պատասխան տա։
«Կարծում եմ՝ երիտասարդն անցել է բոլոր սահմանները ու օրենքի առջև պետք է պատասխան տա»,- ԱԺ-ում լրագրողների հետ զրույցում ասաց նա։
ՔՊ-ականը պնդում է՝ իրեն նկարահանելու իրավունք չկար. «Դա նշանակում է մտնել իմ անձնական տարածք։ Թող խոսեր, թող ինչ-որ բան ասեր, բայց ինքը նկարում էր»։
ՔՊ-ականն ասաց, թե եթե երիտասարդը տեսանյութը չհրապարակեր՝ ինքը չէր դիմի իրավապահ մարմիններին։
«Ինձ զանգեր եղան, բայց ասացի՝ նպատակ չունեմ սա բացելու, արել է, թող իրենով տապակվի, բայց հետո եղան զանգեր, որ Facebook-ը պայթում է դրանից»,- նշեց պատգամավորը։
Հետևեք մեզ Viber-ում
