Դու՞ ես Հայաստանի կառավարությունը, որ հիմա էլ սպառնում ես արցախցիներին․ Շարմազանովը՝ Նիկոլին (video)

Այսօր անկախության նվիրյալ, անկախության գաղափարի իրական մարտիկ, ՀՀԿ-ի հիմնադիր, անկախության բանակի հիմնադիր Աշոտ Նավասարդյանի ծննդյան օրն է, «Եռաբլուրում» լրագրողների հետ զրույցում ասաց ՀՀԿ ԳՄ անդամ Էդուրադ Շարմազանովը։

Նրա խոսքով՝ Նավասարդյանը հայկականության, անկախության, ինքնիշխանության մարմնավորում էր.«Այսօր մենք եկել, հանգել ենք ավելի վատ գծի, քան եղել է Աշոտ Նավասարդյանի և նրա ընկերների՝ 60-ականների շարժման ժամանակ։ Դուք կարող եք հիմա ասել, որ 60-ականներին անկախ Հայաստան չկար, կար Խորհրդային Հայաստան։ Բայց այդ, Խորհրդային Հայաստանը Նիկոլի ստեղծած թուրքական վիլայեթացումից հազարապատիկ անգամ հայկական էր։ Այդ Խորհրդային Հայաստանում Ազգային ակադեմիա կար, Սարդարապատի հուշահամալիր կար, Ծիծեռնակաբերդ կար։ Ի վերջո, դրա հիմքի վրա Արցախն ազատագրվեց։ Անշուշտ, Աշոտ Նավասարդյանը մեզ մի բան է պատգամել՝ ազատության, գաղափարի համար պայքարում, եթե նույնիսկ միայնակ մնաս, չպետք է նահանջես»։