Էլեկտրական շարժիչներով մեքենաների մաքսատուրքն ու գույքահարկը կհանվի՞
ՀՀ կառավարության այսօրվա նիստում վարչապետ Կարեն Կարապետյանն անդրադարձավ էլեկտրական շարժիչներ ունեցող մեքենաների ներմուծմանը: Կառավարության ղեկավարն հանձնարարական տվեց փոխվարչապետերին, մի շարք գերատեսչությունների ղեկավարների, որպեսզի ուսումանսիրեն նման մեքենաների ներկրման ժամանակ մաքսատուրքից եւ գույքահարկից ազատելու հարցը: «Գործող կարգավորումների համաձայն՝ էլեկտրական շարժիչներով մեքենաների ներմուծման և ՀՀ տարածքում շահագործման ժամանակ կիրառվում են մի շարք հարկատեսակներ և վճարներ: Հաշվի առնելով նշված մեքենաների՝ էկոլոգիապես մաքուր լինելը և ներմուծման ծավալների խթանի անհրաժեշտությունը, ՀՀ փոխվարչապետ, միջազգային տնտեսական ինտեգրման և բարեփոխումների նախարարին, տնտեսական զարգացման և ներդրումների, ֆինանսների և բնապահպանության նախարարներին և Պետական եկամուտների կոմիտեի նախագահին հանձնարարում եմ 1 ամսյա ժամկետում համատեղ ուսումնասիրել էլեկտրական շարժիչներով մեքենաների՝ ՀՀ ներմուծման ժամանակ գանձվող հարկերից և տուրքերից, ինչպես նաև գույքահարկից ազատելու վերաբերյալ գործող օրենսդրության փոփոխության հնարավորությունը, հաշվի առնելով նաև ԵՏՄ կարգավորումները, և կառավարության աշխատակազմ ներկայացնել առաջարկություններ», - հանձնարարեց վարչապետը։
Հետևեք մեզ Viber-ում
