«Միսս Հայաստան 2017» հաղթողին Ֆրանսիայից նոր թագ են ուղարկել
«Միսս Հայաստան 2017» մրցույթում հաղթած Լիլի Սարգսյանին Ֆրանսիայից նոր թագ են ուղարկել: Այս մասին ասաց մրցույթի ղեկավար Գոհար Հարությունյանը: Սեպտեմբերի 24-ին անցկացված մրցույթից հետո թագի հովանավորի՝ «Արտյոմս» ընկերության հետ տարաձայնություն էր առաջացել, քանի որ հաղթողին հայտարարելիս իրենց անունը չէր հնչեցվել: Մրցույթի ղեկավարներն էլ որոշել էին ետ տալ թագը հովանավորին: «Հայտարարությունը չարվեց, եւ մենք որոշեցինք գովազդային գերի չդառնալ, քանի որ նրանց պահանջները շատ մեծ էին: Հետո իմանալով տեղի ունեցածի մասին՝ Ֆրանսիայից հաղթողին համարժեք թագ ուղարկեցին: Իրենք խնդրել են, որ չմեկնաբանենք իրենց մասին, կարծում եմ՝ ընկերություն է: Առհասարակ ասեմ, որ սփյուռքը շատ դրական է արձագանքել մրցույթին: Ովքեր թերություններ էին նկատել առաջարկեցին օգնել»,- նշեց Գոհար Հարությունյանը:
Հետևեք մեզ Viber-ում
