Քո հոր տարածքնե՞րն են, որ հանձնում ես, ո՞վ ես դու․ Բագրատ Սրբազանը՝ Փաշինյանին (video)

Այսօրվա պատերազմը ողբերգական կլինի, քանի որ դուք եք լիելու նրա առաջին պատասխանատուն եւ մեղավորը: Այս մասին Ոսկեպարի 7-րդ դարի Սուրբ Աստվածածաին եկեղեցում ասել է Տաբուշի թեմի առաջնորդ Բագրատ սրբազանը՝ իր քարոզում:

«Մենք ձեզ հետ պատերազմ չենք կարող գնալ, տեսել եմ ձեր վարած պատերազմը, ՀՀ կառավարություն եւ նրա գլուխ: Եւ այո΄, այսօրվա պատերազմը ողբերգական կլինի, քանի որ դուք եք լիելու նրա առաջին պատասխանատուն եւ մեղավորը: Մի΄ վախեցրեք պատերազմով, ո΄չ մի ձեւով եւ որեւէ մեկին էլ պատասխանատու չկարգեք, դուք եք բերել այսօրվա վիճակին հասցրել, անընդհատ կործանումներով, ուրացումներով խաբեությամբ մոլորություններով, դավաճանություններով, կորուստներով հասցրել եք այս օրվան, եւ դուք էլ դրա պատախանատուն եք: Որեւէ մեկ միլիմետր հող, մի թիզ հող այստեղից փորձեք, դա կլինի ձեր վերջը ուղղակիորեն, այս ամբողջ քաղաքականության, սա արդեն անհանդուժելի է»,- ասել է նա:

Բագրատ Սրբազանը նշում է, որ չի կարող լինել լավ ու բարեկցիկ կյանք, եթե դու ոչ հող ունես, ոչ հայրենիք ունես, ոչ տուն ունես. «Մեր ընտրությունն է լինելու՝ Հյուսիսն ինչ կասի, Արեւմուտքն ինչ կասի, Հարավն ինչ կասի, Արեւելքն ինչ կասի, բացարձակ նշանակություն չունի: Չես կարող բարեկեցիկ լինես, եթե տուն չունես: Ընտրելու ենք, կամ սողալը, կամ պատվով շարունակելու մեր երթը մի ազգ, որը ունի Աստծո արդարության եւ ճշմարտության ապրումը եւ ուզում է դա գործադրել, որպես իր կյանքի սկզբունք»:

Մանրամասները՝ տեսանյութում: