Հայրավանք գյուղում խոշոր վթարի հետևանքով 13 մարդ տեղափոխվել է հիվանդանոց.մանրամասներ
Հոկտեմբերի 10-ին, ժամը 23:01-ին ԱԻՆ ահազանգ է ստացվել, որ Գեղարքունիքի մարզի Հայրավանք գյուղում տեղի է ունեցել ավտոպատահար, կան տուժածներ, տեղեկացնում են ԱԻՆ լրատվական ծառայությունից:
Դեպքի վայր է մեկնել մեկ մարտական հաշվարկ:
Պարզվել է, որ իրար են բախվել «ԿամԱԶ» մակիշի (վարորդ՝ 1967 թ. ծնված Վ. Դ.) և «Ford Transit» մակնիշի (վարորդ՝ 1975 թ. ծնված Վ. Ա.) պետհամարանիշով ավտոմեքենաները։
Մինչև փրկարարների կանչի վայր հասնելը «Ford Transit» մակնիշի ավտոմեքենայի վարորդն ու 12 ուղևորները տեղի ուժերով հոսպիտալացվել են Գավառի ԲԿ, որտեղ բժիշկները տուժածներից 11-ի առողջական վիճակը գնահատել է միջին ծանրության, իսկ երկուսինը՝ ծանր, այնուհետև հոսպիտալացվել են «Սուրբ Գրիգոր Լուսավորիչ» ԲԿ, որտեղ բժիշկները տուժածների առողջական վիճակը գնահատել են ծանր:
Փրկարարները հոսանքազրկել են ավտոմեքենաները և փակել գազի բալոնների փականները:
Հետևեք մեզ Viber-ում
