Թրամփի գործողություններն սպառնում են երրորդ աշխարհամարտով. ամերիկացի սենատոր
«ԱՄՆ-ի նախագահ Դոնալդ Թրամփի գործողությունները կարող են հանգեցնել երրորդ համաշխարհային պատերազմի սկսվելուն:Թրամփն իր վարչակազմը դիտարկում է որպես «ռեալիթի շոու»: Նա ինձ անհանգստացնում է: Նա պետք է անհանգստացնի բոլոր նրանց, ովքեր ցավում են մեր ազգի համար»,- The New York Times թերթին հայտարարել է հանրապետական սենատոր Բոբ Քորքերը՝ Սենատի արտաքին գործերի կոմիտեի նախագահը: Վերջինս քննադատել է Թրամփին Twitter-ում նրա հաղորդագրությունների համար, որոնցով նա վնաս է հասցրել ԱՄՆ-ի դիվանագիտական ջանքերին:Օրենսդիրը հայտարարել է, թե իրեն ուրախացնում է, որ Թրամփի կողքին են այնպիսի մարդիկ, ինչպիսին են պաշտպանության նախարար Ջեյմս Մեթիսը, պետքարտուղար Ռեքս Թիլերսոնը եւ Սպիտակ տան աշխատակազմի ղեկավար Ջոն Քելլին: «Այնքան ժամանակ, քանի դեռ նրա կողքին են մարդիկ, որոնք կարող են հանդարտեցնել նրան, երբ նա բռնկուն է դառնում «…» կարծում եմ՝ ամեն ինչ կարգին կլինի»,- նշել է սենատորը:
Հետևեք մեզ Viber-ում
