«Դուք չլսեցիք, մենք նշեցինք». Դավիթ Լոքյանը`վարչապետին

ՀՀ կառավարության այսօրվա որոշմամբ՝ փոփոխություններ կատարվեցին մարզպետարանների աշխատակազմում: Կառավարության որոշմամբ համապատասխան փոփոխություններ կատարվեցին ՀՀ Սյունիքի մարզպետարանի աշխատակազմում: Տարածքային կառավարման և զարգացման նախարար Դավիթ Լոքյանը նշեց, որ աշխատակազմում ստեղծվել է զբոսաշրջության զարգացման գործառույթներ իրականացնող բաժին, որը գործում է միջազգային համագործակցության և զարգացման ծրագրերի վարչության կազմում: «Մենք առաջարկում ենք, որ մարզպետարանների կառուցվածքում փոփոխություն իրականացվի, և համապատասխան վարչությունը, որը ծրագրերի կազմման և վերլուծության բաժինն է, ունենա «զբոսաշրջություն» բառն իր անվանման մեջ»,- ասաց Դավիթ Լոքյանը։ «Մենք ոչ միայն դեկորատիվ անվանումն ենք փոփոխում, մենք նաև փոխում ենք այդ վարչության բաղադրիչը, չէ՞»,- ասաց վարչապետ Կարեն Կարապետյանը: «Սյունիքի մարզպետարանից բացի, մյուս մարզպետարանների աշխատակազմերում կատարված ուսումնասիրությունները ցույց են տալիս, որ մարզպետարանների կողմից զբոսաշրջության զարգացմանն ուղղված գործառույթներն իրականացվում են աշխատակազմերի զարգացման ծրագրերի և վերլուծության բաժինների միջոցով: Ըստ այդմ՝ կառավարությունը որոշել է մարզպետարանների աշխատակազմերի կառուցվածքում ընդգծել զբոսաշրջության բնագավառը»,- ասաց Լոքյանը: Դավիթ Լոքյանն արձագանքեց. «Միանշանակ, պարոն վարչապետ։ Դուք չլսեցիք, մենք նշեցինք, որ, քանի որ ռազմավարություններում բոլորի համար զբոսաշրջությունն ամրագրված է՝ որպես գերակա ուղղություն՝ մյուս ուղղությունների հետ միասին, սա պարտադիր մտցնում ենք»։