Կառավարությունը մերժեց «Ծառուկյան» խմբակցությանը
ԱԺ «Ծառուկյան դաշինք» խմբակցության պատգամավորներ Միքայել Մելքումյանի, Նաիրա Զոհրաբյանի, Գևորգ Պետրոսյանի, Վահե Էնֆիաջյանի օրենսդրական նախաձեռնության առաջարկը, որը վերաբերում է «Ձերբակալված և կալանավորված անձանց պահելու մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության օրենքի նախագծի վերաբերյալ Հայաստանի Հանրապետության կառավարության առաջարկություններին մերժվեց: Նախագիծը կառավարությունում ներկայացրեց Արդարադատության նախարար Դավիթ Հարությունյանը,ով նշեց, որ կառավարությունը չի կիսում առաջարկը: «Շտապ բժշկական օգնությունը օգտագործվում է շտապ բժշկական դեպքերում, և ոչ թե այս դեպքերումՎատ վերաբերմունքի և խոշտանգումների հետ կապված մի շարք կարևոր փոփոխություններ են կատարվել:Շտապ բժշկական օգնությունը համարում ենք ոչ նպատակահարմար. մի կողմից այն ծախսերն է ավելացնելու և, բացի դրանից, մեկ այլ անձ զրկվելու է, փաստորեն, շտապ բժշկական ծառայությունից, որն, իսկապես, շտապ օգնության կարիք ունի:Կառավարության եզրակացությունը նախագծի վերաբերյալ բացասական է », - ասաց նա: Նշենք,որ նախագծով առաջարկվում է «Ձերբակալված և կալանավորված անձանց պահելու մասին» ՀՀ օրենքի 21-րդ հոդվածում լուծել այն կարևոր հանգամանքը, երբ ձերբակալված կամ կալանավորված անձին ձերբակալվածների կամ կալանավորվածների վայր ընդունելիս կամ գտնվելիս անձի մոտ, եթե մարմնական վնասվածքներ է հայտնաբերվում, ապա անհապաղ ձերբակալվածներին պահելու վայրի կամ կալանավորվածներին պահելու վայրի վարչակազմը անմիջապես տեղեկացնում է շտապբուժօգնության ծառայություն, որի բուժաշխատող մասնագետն իրականացնում է բուժզննությունը և ամրագրում վնասվածքները: Օրենքի ընդունման արդյունքում ձերբակալված կամ կալանավորված անձին ձերբակալվածների կամ կալանավորվածների վայր ընդունելիս կամ գտնվելու ընթացքում անձի մոտ մարմնական վնասվածքներ հայտնաբերվելու դեպքում բուժզննությունը կիրականացվի անկախ բուժաշխատող մասնագետի կողմից:
Հետևեք մեզ Viber-ում
