«Պատերազմները սկսվում են զորավարժություններից»․Վաղարշակ Հարությունյան

ՀՀ պաշտպանության նախկին նախարար Վաղարշակ Հարությունյանն այսօր լրագրողների հետ հանդիպման ընթացքում ակնարկեց, որ պատերազմները սկսվում են զորավարժություններից: Ինչպես ներկայացրեց՝ զորավարժություններն անցկացվում են ընդհանուր ՀԱՊԿ կազմակերպության ծրագրի համաձայն, որը կազմված է 2017թ. համար։ Զորավարժությունները կանցկացվեն 4 պետությունների տարածքում՝ ՌԴ, ՀՀ, Ղազախստան, Տաջիկստան, և մասնակցելու են բոլոր ՀԱՊԿ անդամ պետությունները։ Նշենք, որ մասնակիցների քանակը մոտ 12 հազար հոգի է, 1200-ից ավելի զրահատեխնիկա, 50-ից ավելի թռչող սարքեր։ Հարությունյանը նշեց, որ Համատեղ զորավարժությունը, որի անվանումն է «Մարտական եղբայրություն 2017», անցկացվելու է մի քանի փուլերով․«Լինելու է 3 փուլ։ Հայաստանում անցկացվելու է առաջին փուլը, որի նպատակն է՝ անցկացնել հատուկ նշանակության զորավարժություններ՝ հետախուզական ստորաբաժանումների, և այստեղ առաջին անգամ այդ զորավարժություններին կմասնակցի նոր ձևավորված միավորված խմբավորումը։Զորավարժություններին մասնակցելու է ՀԱՊԿ ղեկավարությունը, Կարմիր խաչի միջազգային կոմիտեն է հրավիրված, ՄԱԿ-ի քարտուղարությունն է հրավիրված և այլ կառույցներ»։