PKK-ի գործի դրած պայթուցիկի հետևանքով թուրք զինվորներ են մահացել և վիրավորվել

Ինչպես հաղորդում է   թուրքական «Միլլիեթ» պարբերականը,  Հաքքարի նահանգի Յուքսեքօվա գավառում զինվորական մեքենայի անցնելու ժամանակ Քրդական բանվորական կուսակցության ՝PKK, անդամները գործի են դրել ճանապարհին տեղադրված ինքնաշեն պայթուցիկը:Պայթյունի հետևանքով չորս զինվոր մահացել է, չորսը՝ վիրավորվել:Հաքքարիի նահանգապետարանը հայտնել է, որ տարածաշրջանում գործողություններ են իրականացվում մեղավորներին հայտնաբերելու ուղղությամբ:Թուրքական լրատվամիջոցները հայտնում են, որ զգալի թվով զրահատեխնիկա է տեղափոխվել Յուքսեքովա: