ՔՊ-ական պատգամավորները չեն կարողանում թոթափել բդաբլինչիկային տրամադրությունները

10:19 - 13/հունվարի/2024

Դիտել նաև Փրայմերիզն իրականում հեքիաթ էր. Փաշինյանն է կազմել ցուցակի դասավորությունը. «Իրավունք» Ներման հանձնաժողովի անդամ է նշանակվել տիրադավ Գեւորգ Սարոյանը. «Հրապարակ» Դատարաններում այսուհետ ուժեղացված հսկողություն կիրականացնեն. բացառիկ. «Ժողովուրդ» 1 ընտանիքից 3 հոգով ՊԵԿ-ում են աշխատում. ունեցվածքի հետքերով. «Ժողովուրդ»

«Հրապարակ» թերթը գրում է. «Երկուշաբթի մեկնարկում է խորհրդարանի գարնանային նստաշրջանը, որի առիթով երեկ խորհրդարանում իշխող խմբակցության նիստ է հրավիրվել, սակայն քվորումի բացակայության պատճառով նիստն ավելի քան կես ժամ նախատեսված ժամից ուշ է սկսվել:

ՔՊ խմբակցության ղեկավար Հայկ Կոնջորյանը ստիպված է եղել բերման ենթարկել իշխանական պատգամավորներին, որոնք, ըստ ամենայնի, դեռ չեն կարողանում թոթափել ամանորյա բդաբլինչիկային տրամադրությունները եւ վերադառնալ աշխատանքային ռիթմի։

Նշենք, որ ԱԺ մեկնարկող նիստերի օրակարգում 30 նախագիծ է ընդգրկված, այդ թվում՝ Հայկ Սարգսյանի աղմկահարույց նախագիծը` «փողով զինգրքույկ վաճառելու մասին»: Խմբակցության երեկվա նիստում զարմանալիորեն չեն քննարկել պատկան հանձնաժողովի որոշումը` ընդունելով այն ի գիտություն: Հիշեցնենք, որ նախօրեին պաշտպանության հանձնաժողովը դրական եզրակացություն է տվել նախագծին, եւ այն եկող շաբաթ երկրորդ ընթերցումով անցնելուց հետո օրենքի տեսք կստանա»: