Հիմա էլ ԵՄ-ում սկսել են այլ բաներ խոսել ու պահանջել. Չավուշօղլու

Թուրքիայի արտաքին գործերի նախարար Մևլութ Չավուշօղլուն հայտարարել է, որ թուրք հասարակության ներսում լրջորեն նվազել է երկրի՝ Եվրամիության անդամ դառնալու կողմնակիցների թիվը, այս մասին գրում է թուրքական «Հյուրրիյեթ» պարբերականը: «Մեր առաջ դրված է եղել վեց նախապայման, և մենք դրանք կատարել ենք: Իսկ հիմա ԵՄ-ում սկսել են այլ բաներ խոսել ու պահանջել», - ասել է Չավուշօղլուն: Ըստ նրա՝ եթե այժմ էլ ԵՄ-ն քայլ կատարի, Թուրքիան պատրաստ է աշխատել իրենց հետ: Նա նաև նշել էր, որ եթե Թուրքիայի իշխանություններն ընդունեն մահապատժի մասին օրենքի վերականգնման որոշում՝ Եվրամիությունը վերջնականապես կփակի իր դռները Թուրքիայի առաջ: