Ինչով է զբաղվում Գագիկ Ծառուկյանը ԱԺ նիստերի օրերին

ԱԺ «Ծառուկյան» դաշինք խմբակցության ղեկավար Գագիկ Ծառուկյանը դարձյալ չի մասնակցում ԱԺ նիստերին։ Խմբակցության պատգամավոր Իվետա Տոնոյանն այսօր խորհրդարանում լրագրողներին ասաց, որ Ծառուկյանի բացակաները հարգելի են։ «Գագիկ Ծառուկյանը, որպես Հայաստանի օլիմպիական կոմիտեի նախագահ, իր գործառույթներն է իրականացնում, այցով գտնվում է Հայաստանից դուրս, իսկ պարոն Ծառուկյանի բացակայությունների հետ կապված բոլոր հիմնավորումները ներկայացվում են ԱԺ նախագահին», - ասաց Տոնոյանը։ Հարցին, թե ԱԺ նախագահն ասել էր, որ բացակաների նկատմամբ խիստ են լինելու, Ծառուկյանը նկատողություն չի տրվել, պատասխանեց. «Բնականաբար։ Բոլոր հիմնավորումները ներկայացվում են»։