Փաշինյանը խոստովանեց, որ գիտակցաբար զոհաբերել է Լեռնային Ղարաբաղը. Սերժ Սարգսյան (video)
Ես չեմ կարող ասել, թե որ հարթակից, որ հարթակ ենք գնալու, բայց որ թռթվռում ենք, դա արդեն փաստ է։ Այս մասին այսօր՝ դեկտեմբերի 28-ին, դատական նիստից հետո լրագրողների հետ զրույցում ասաց ՀՀ երրորդ նախագահ Սերժ Սարգսյանը։
Անդրադառնալով Նիկոլ Փաշինյանի այն հայտարարությանը, թե Հայաստանը ռեսուրսների «առյուծի բաժինն» ուղղել է Արցախին, Սերժ Սարգսյանն արձագանքեց. «Նա ասել է, որ ռեսուրսների առյուծի բաժինն այնտեղ է ուղղել, ինչը սուտ է, ո՞ր ռեսուրսների մասին է խոսքը, ԼՂ–ի բյուջեն ձևավորվում էր ինչպես իրենց ներքին հարկերի հավաքումից, այնպես էլ Հայաստանից տրվող վարկով, որը կազմում էր մեր բյուջեի մի փոքր, չնչին մասը։ Չեմ բացառում, որ եղել են լրացուցիչ ծախսեր, եղել է սպառազինությունների ձեռքբերում և այլն, բայց դա չի կարող լինել առյուծի բաժինը։ Բա մեր ազգային խնդիրը լուծելու համար պարտավոր էինք մեր ռեսուրսը ներդնել, բա ո՞վ էր հենց այնպես մեզ տալու»։
Ամբողջական նյութի մանրամասները տեսանյութում․
Հետևեք մեզ Viber-ում
