Հարց է՝ եթե հայտարարեիք, որ ԵՏՄ-ից դուրս եք ուզում գալ, կհաղթահարեի՞ք 7 %-ը, թե՞ ոչ. Շարմազանով
Ազգային ժողովում «Ելք»-ի ներկայացրած նախագծի քննարկման ժամանակ ԱԺ փոխնախագահ Էդուարդ Շարմազանովը հայտարարեց. «Ես չեմ հիշում, որ «Ելք» դաշինքը ընտրությունների ժամանակ բացահայտ խոսել է ԵՏՄ-ից դուրս գալու օգտին, էդ հըլը հարց է՝ եթե հայտարարեիք, որ ԵՏՄ-ից դուրս եք ուզում գալ, կհաղթահարեի՞ք 7 տոկոսը, թե՞ ոչ։ Եթե խոսում ենք հասարակական կարծիքի մասին, ապա հասարակական կարծիքը ձեւավորվել է ու կնիքն էլ խփվել է ապրիլի 2-ին կայացած ընտրությունների ժամանակ. ՀՀ հասարակության մեծամասնության համար ԵՏՄ-ից դուրս գալու խնդիր դրված չէ»: « Պետք է մտածել, թե ԵՏՄ-ից դուրս գալը ինչ վնասներ կարող է բերել Հայաստանին:Մեկը թող ձեզ հարց տա՝ եթե ԵՏՄ-ից դուրս ենք գալիս, վնասները հաշվել ե՞ք։ Միայն ԵՏՄ մտնելուց հետո Հայաստանի արդյունաբերողների համար գազի գինը 30 դոլարից ավելի պակասել է։ Եվ միայն դրանից Հայաստանի արդյունաբերության օգուտն ավելի շատ է, քան եթե մենք, ըստ եվրոպացի փորձագետների, ստորագրեինք ԵՄ-ի հետ ազատ առեւտրի համաձայնագիրը»,-ասաց նա:
Հետևեք մեզ Viber-ում
