«Ես կապիկների մասնագետ չեմ». Մարգարիտ Եսայանը՝Նիկոլ Փաշինյանին
«Սակայն հիմնական զեկուցողը այս անգամ մոռացավ այդ մասին, քանի որ ընդդիմադիր խմբակցությունների այդ առաջարկը մերժվել էր։ Մենք իբր փորձում ենք ամեն ինչ համապատասխանեցնել Սահմանադրությանը, մնացած դեպքերում բազմաթիվ կարեւոր կետեր սղացնում ենք։ Մենք քվեարկելու ենք դեմ»,- «Երեւանի ՏԻՄ մասին» օրենքում փոփոխություններ կատարելու մասին նախագծի քննարկմանը «Ծառուկյան» խմբակցության պատգամավոր Նաիրա Զոհրաբյանն իր ելույթում հայտարարեց, որ այս հարցի քննարկման ժամանակ նախորդ անգամ կառավարության ներկայացուցիչը խոստացավ պահպանել դրույթը, ըստ որի` ավագանու անդամն իրավասություն կունենան հանրաքվե անցկացնելու մասին առաջարկությամբ հանդես գալ: «Ինչքան բարձր ենք գոռում ժողովրդավարության մասին, այնքան այն վերացնում ենք, ինչպես օրինակ եղավ այս գործիքի հետ, որ ուներ ընդդիմությունը, վերցնում ենք:Ինչո՞ւ եք այդ բոլոր գործիքները հավաքում ընդդիմությունից, ո՞րն է պատճառը` բոլորից բոլոր իրավունքները վերցնել։ Սահմանադրական փոփոխություններ արեցինք, ու ՀՀ-ն դարձրինք ժողովրդավար երկիր, բայց, հո ասելո՞վ չի։ Գիտեք` օրանգուտանի ու մարդու տարբերությունը երկու տոկոս է։ Շիմպանզե համակարգը չդարձնենք մակակի»,հայտարարեց Ելք խմբակցության ղեկավար Նիկոլ Փաշինյան: ԱԺ ՀՀԿ խմբակցության պատգամավոր Մարգարիտ Եսայանն էլ,անդրադ առնալով ԱԺ «Ելք» խմբակցության ղեկավար Նիկոլ Փաշինյանի ելույթին նախ ասաց, որ «կենդանական և կապիկական աշխարհի նյուանսներին» լավ չի տիրապետում և նշեց. «Լավ կլինի, որ շիմպանզեների ու օրագուտանգների մասին բուն մասնագետները խոսեն, ես մասնագետ չեմ»։ Նրա խոսքով՝ օրենքի նախագիծն իրենք համապատասխանեցնում են Սահմանադրությանը, և խմբակցությունների ձեռքից որևէ գործիք կատարվող փոփոխություններով իշխանությունը չի վերցնում։ «Այդպես կարծելը մոլորություն է։ Եթե այդ գործիքը մնա էլ, դա անգործության է մատնվելու ցանկացած պարագայում։ Օրենքից հանվում է մի բան, որը անգործ է և իրականում գոյություն ունենալ չի կարող։ Թող տպավորություն չստեղծվի, որ ինչ-որ մի ֆրակցիայի ձեռքից ինչ-որ իրավունք վերցրվում է։ Որևէ կապիկություն այս հարցում չկա, սա ընդամենը Սահմանադրությամբ առաջարկվող փոփոխություն է, որը իրականացնում ենք»,- ասաց Մարգարիտ Եսայանը։ Ելք խմբակցության պատգամավոր Արտակ Զեյնալյանն ի պատասխան Մարգարիտ Եսայանի, ասաց. «Դուք հանգիստ կարող եք կապիկների մասին խոսել, ինչպես օրենքից եք խոսում, որեւէ տարբերություն չկա»։ ԱԺ փոխնախագահ Էդուարդ Շարմազանովը կոչ արեց ընդդիմադիրներին` եթե ձեր ավագանու անդամը ցանկանում է հանրաքվեի մասին առաջարկով հանդես գալ, թող դաշնակիցներ գտնի, ապահովի ավագանու 1/3-ը ու անցկացնի իր առաջարկը։
Հետևեք մեզ Viber-ում
