Մևլութ Չավուշօղլուն և Էրդողանի ձերբակալված թիկնապահները՝ բանտում

Թուրքիայի արտաքին գործերի նախարար Մևլութ Չավուշօղլուն Վաշինգտոնում այցելել է Էրդողանի երկու թիկնապահներին՝ Սինան Նարինին և Էյուփ Յըլդըրըմին, որոնք ձերբակալվել էին մայիսի 16-ին թուրք դեսպանի տան մոտ հայ, քուրդ, եզդի խաղաղ ցուցարարների վրա հարձակման գործով:  Չավուշողլուն թվիթերի իր միկրոբլոգում գրել է. «Վաշինգտոնում փորձությունների ենթարկվող մեր երկու եղբայրներին այցելելով՝ ես նրանց մեր ազգի սերն ու ողջույններն եմ փոխանցել»: Հիշեցնենք, որ մայիսի 16-ին ԱՄՆ-ի հայ, քուրդ, ասորի և եզդի համայնքների ներկայացուցիչները ցույց էին կազմակերպել Վաշինգտոնում՝ բողոքելով Էրդողանի` ԱՄՆ այցի դեմ: Էրդողանի թիկնապահները հարձակվել էին խաղաղ ցուցարարների վրա և դաժան ծեծի ենթարկել նրանց: Միջադեպի հետևանքով վիրավորվել էր 9 ցուցարար: