Պուտինը կրկին Թուրքիա կայցելի
ТАСС-ի փոխանցմամբ,Ռուսաստանի նախագահ Վլադիմիր Պուտինը հաջորդ տարի կայցելի Թուրքիա՝ մասնակցելու Համագործակցության բարձր մակարդակի խորհրդի նիստին, հայտարարել է Թուրքիայի նախագահ Ռեջեփ Թայիփ Էրդողանը ՌԴ-ի ղեկավարի հետ համատեղ մամուլի ասուլիսում: «ՌԴ նախագահ Վլադիմիր Պուտինը 2018 թվականին կայցելի Թուրքիա, որտեղ կմասնակցի Համագործակցության բարձր մակարդակի խորհրդի նիստին», - ասել է նա: «Մենք ավելի վաղ նպատակ ենք դրել հասնել 100 մլրդ դոլարի: Մեր երկկողմ հարաբերություններում մենք հատուկ նշանակություն ենք տալիս էներգետիկական սեկտորին, հատկապես «Աքքույու» և «Թուրքական հոսք» նախագծերին: Մենք պատրաստ ենք արագացնել դրանց իրացումը»,- ընդգծել է Թուրքիայի նախագահը:
Հետևեք մեզ Viber-ում
