Եգիպտոսում քրիստոնյաների են բանտարկել «իսլամը վիրավորելու համար»

Եգիպտոսում ղպտի համայնքի երեք քրիստոնյա դեռահասների 5 տարի ժամկետով ազատազրկման են դատապարտել՝ «իսլամը վիրավորելու համար»: Չորրորդ 15-ամյա մեղադրյալին երեխաների համար նախատեսված ուղղիչ կենտրոն կուղարկեն: Այս մասին գրում է Lenta-ն՝ վկայակոչելով Le Figaro-ն: Դատարանը հիմք է ընդունել տեսանյութը, որում պատանիներն իբր ծաղրել են մահմեդականների աղոթքի ընթացքը: Դեռահասների փաստաբանի խոսքով, իրականում իր պաշտպանյալները ցանկացել են ծաղրել «Իսլամական պետություն» ահաբեկչական խմբավորման զինյալների իրագործած մահապատիժները, որի ընթացքում դահիճները գլխատում են մարդկանց: