Դավիթ Գյուրջինյանն ինձ ազատել է արցախցիներին սատարելու պատճառով․ Բրյուսովի պրոռեկտոր (video)
Այսօր իմ աշխատանքային վերջին օրն է. 49 օր առաջ ստացա ազատման հրամանը: Այս մասին այսօր՝ նոյեմբերի 8-ին, լրագրողների հետ զրույցում նշեց Երեւանի Բրյուսովի անվան պետական համալսարանի պրոռեկտոր Ցոլակ Ակոպովը՝ կոչ անելով իր այս ասուլիսը դիտարկել որպես հանցագործության մասին հաղորդում:
«Մենք ունենք ԿԳՄՍ նախարարություն, որի գլուխ կանգնած անձնավորությունն, իմ խորին համոզմամբ, սպառնալիք է Հայաստանի անվտանգությանը: Այն, ինչ կտարվում է կրթության համակարգում, կապված բուհական դասագրքերի պատմության, Հայոց պատմության դասագրքի հետ,մ երբ որոշել են, որ հայ ժողովրդի ծագումն սկսվել է Ուրարտուից, այլ ոչ Քրիստոսից առաջ 3-րդ հազարամյակից, խոսում է այն մասին, որ այո, միտումնավոր կերպով ամեն ինչ արվում է մեր հոգեւոր անվտանգությունը խաթարելու, մեր ազգային արժեքները ոտնահարելու, սեփական պատմությունը մոռացնելու համար: Ես ցավում եմ, որ այս մասով չլսեցի ԵՊՀ-ի, ԳԱԱ-ի կարծիքը»,-ասաց Ակոպովը:
Հետևեք մեզ Viber-ում
