«Հայ երկրպագուներն այսօր էլ կգան ինձ աջակցելու». Մխիթարյան
«Նախորդ մրցաշրջանում խաղում էինք Ռոստովում, հաճելի էր տեսնել հայ երկրպագուների: Կարծում եմ, որ նրանք նույնպես կգան ինձ աջակցելու: Կփորձեմ անել հնարավոր ամեն ինչ, որպեսզի նրանց ուրախացնեմ և գոլ խփեմ: Այն, որ ԲԿՄԱ-ն հաղթել է «Բենֆիկային», խոսում է նրա մասին, որ նրանք ուժեղ մրցակից են: Հետևում եմ ռուսական ֆուտբոլին և կարող եմ ասել, որ այս տարի ԲԿՄԱ-ն այնպիսին չէ, ինչ նախկինում: Որպես թիմ բանակայիններն ավելի ուժեղ են, քան նախորդ տարիներին»,- Անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանը խոսել է այսօր՝ սեպտեմբերի 27-ին, Մոսկվայում կայանալիք ԲԿՄԱ-ի հետ հանդիպման մասին:
Հետևեք մեզ Viber-ում
