Կփորձեմ գոլ խփել. Մխիթարյանը կուրախացնի՞ հայ երկրպագուներին

Հայաստանի ֆուտբոլի ազգային հավաքականի և «Մանչեստեր Յունայթեդի» կիսապաշտպան Հենրիխ Մխիթարյանը այսօր կայացած նախախաղային մամուլի ասուլիսի ժամանակ հայտնել է, որ կցանկանար «ԲԿՄԱ»-ի մարզադաշտում հայ ֆուտբոլասերների տեսնել: ՈՒԵՖԱ-ի պաշտոնական կայքի հաղորդմամբ՝ Մխիթարյանն ասել է, որ կանի ամեն բան նրանց ուրախացնելու համար: «Անցած տարի մենք խաղում էինք Ռոստովում, և տրիբունաներում «Յունայթեդի» դրոշներով հայ երկրպագուներին տեսնելը շատ հաճելի էր: Հուսով եմ՝ վաղն էլ այդպես կլինի, և ես էլ գոլ կխփեմ ու կուրախացնեմ նրանց»,- նշել է նա: ԲԿՄԱ-«Մանչեստեր Յունայթեդ» հանդիպումը տեղի է ունենալու վաղը: