Ոստիկանությունը 42 մլն դրամ կծախսի ավտոմեքենաների վերանորոգման համար

168 ժամ օրաթերթը գրում է.Հայաստանի ոստիկանությունը 42 մլն դրամ կծախսի ավտոմեքենաների վերանորոգման համար։ Կառավարության «Մեկ անձից կատարվող գնումներ» բաժնից տեդեկանում ենք, որ ծառայությունները Ոստիկանությանը մատուցելու Է «Տոյոտա Երևան» ՍՊԸ-ն։ 42 մլն-ի դիմաց ընկերությունը սպասարկելու և վերանորոգելու է հենց իրենից 2007-2016 թթ. ձեռք բերված 225 միավոր «Տոյոտա» մակնիշի մարդատար ավտոմոբիլներ, այդ թվում՝ 211 հատ «Տոյոտա Կորոլլւս», 4 հատ «Տոյոտա Պրադո», 8 հատ «Տոյոտա Յարիս» և 2 հատ «Տոյոտա Հայս»։ Միաժամանակ՝ Ոստիկանությունը «Տոյոտա Երևանից» ձեռք է բերելու 20 մարդատար ավտոմեքենա՝ ընդհանուր 22.1 մլն դրամ արժեքով, ևս 3 մարդատար ավտոմեքենաներ՝ 29.1 մլն դրամ, 4 հատ հատուկ մասնագիտացված մեքենա՝ 58 մլն 460 հազար, 23 հատ ոստիկանական մեքենաներ՝ 301.8 մլն դրամ։ Այ­սինքն՝ ընդհանուր առմամբ նոր ավտոմեքենաների համար Ոստիկանությունն ընկերությանը կվճարի մոտ 331 մլն դրամ։ Օրվա այլ հրապարակումներին ծանոթացեք թերթի այս համարում: