ՀՀԿ-ական նախկին պատգամավոր Հակոբ Հակոբյանի գործերն սկսել են «աջ» գնալ. նա Դիլիջանում համանուն գարեջրի գործարան է հիմնել
«Հրապարակ» թերթը գրում է. «Խորհրդարան չանցնելուց հետո ՀՀԿ-ական նախկին պատգամավոր, «Կիլիկիա» գործարանի սեփականատեր Հակոբ Հակոբյանի գործերն սկսել են «աջ» գնալ: Նա Դիլիջանում համանուն գարեջրի գործարան է հիմնել, որի բացումը կկայանա առաջիկայում: Հակոբյանը վստահեցրել է, որ նոր ապրանքանիշը հայկական շուկայում հստակ առանձնահատկություն ունի. «Ինչպես գիտեք, դրսից գարեջրեր են ներկրվում, աշխատելու ենք այնպես անել, որ դրանց որակին մոտ լինի, որպեսզի նրանց փոխարեն նախընտրեն մեր տեղական արտադրությունը: Նպատակը եղել է, որ պայքարենք ներմուծվող գարեջրերի դեմ»: Հակոբյանը մանրամասնել է, որ նոր արտադրանքը նման է լինելու չեխական և գերմանական գարեջրին և արտադրվելու է համապատասխանաբար Դիլիջան-1, Դիլիջան-2 տարբերանշաններով: Այդ գարեջրի արտադրությունն արդեն կա և փոքր քանակով հայկական շուկա է հանվել: Հակոբյանը մտածում է նաև արտահանման մասին»: Ամբողջությամբ կարող եք կարդալ «Հրապարակ» թերթի այսօրվա համարում:
Հետևեք մեզ Viber-ում
