Լևոն Մկրտչյան. «Աններելի սխալ է»
Ռուսաստանի կրթության և գիտության նախարար Օլգա Վասիլևայի` Հայաստան այցի շրջանակներում երեք ուղղության վրա է շեշտը դրվելու: ՀՀ ԿԳ նախարար Լևոն Մկրտչյանը տեղեկացրեց, որ դրանք լինելու են ինժեներատեխնիկական, միջուկային ֆիզիկայի և բնական գիտությունների: Նա տեղեկացրեց նաև, որ Վասիլևայի հետ պայմանավորվել են, որ գիտական հաստատությունները շատ ավելի սերտ համագործակցություն կսկսեն տեղի մասնագետների հետ: «Փոքրաթիվ աշակերտներ ունեցող դպրոցների մեթոդիկայի հարցում կլինի համագործակցություն, մենք կվերցնենք Ֆինլանդիայի և ՌԴ-ի փորձը, քանի որ Ռուսաստանում էլ փոքրաթիվ աշակերտներ ունեցող մեծ թվով դպրոցներ կան»,- ասաց Մկրտչյանը: Հարցին, թե «Ռուսաց լեզու» առարկայի դասագրքերից մեկում գրված է «նեգր», և որքանո՞վ է սա էթիկապես ճիշտ, Մկրտչյանը պատասխանեց, որ եթե, իրոք, նման բան կա, աններելի սխալ է:
Հետևեք մեզ Viber-ում
