ԱՄՆ-ի մեր գործընկերների հետ այդտեղ ունենք տարակարծություն.Վարդան Արամյան

Կառավարության գործունեության 1 տարվա առթիվ ամփոփիչ ասուլիսում  ՀՀ ֆինանսների նախարար Վարդան Արամյանը` խոսելով ԱՄՆ հետ կրկնակի հարկումը բացառող համաձայնագրի կնքման մասին հայտարարեց.«ԱՄՆ-ի մեր գործընկերների հետ այդտեղ ունենք տարակարծություն` արդյոք իրավաչա՞փ է այդ համաձայնագիրը և մեր տնտեսվարողները կարո՞ղ են առաջնորդվել դրանով: Մենք այդ կարծիքը չենք կիսում, որ ԽՍՀՄ ժամանակ կնքված համաձայնագիրը կիրառելի է:Հայաստանը ԽՍՀՄ իրավահաջորդը չէ, այն ժամանակ համաձայնագիրը կնքվել է 70-ական թվականներին և ներկայումս կիրառելի չէ:Հարկման համակարգերը և ընդհանուր սկզբունքները շատ կարևոր են տնտեսվարողների համար, որպեսզի առևտրային հարաբերությունների մեջ մտնեն և ներդրումենր կատարեն: Եթե չկա նման համաձայնագիր, հնարավոր է երկու երկրում էլ հարկվի: Սեպտեմբերի 29-ին այս հարցով խորհրդակցություն ենք իրականցնելու տնտեսվարողների հետ: Այս հարցում մենք մեծ անելիքներ ունենք, որ համոզենք մեր ամերիկյան գործընկերներին, որ համաձայնագիրը կնքենք»: Կրկնակի հարկումը բացառող 46-րդ համաձայնագիրն այս տարի Հայաստանը ստորագրեց Իսրայելի հետ, առաջիկա 5 տարիներին նոր համաձայնագրեր կկնքվեն, մասնավորապես` այս տարի կստորագրվի Կիրգիզիայի և Ուզբեկստանի հետ, իսկ մինչև 2022 թ. այդ համաձայնագրերի թիվը կավելացնեն ևս շուրջ 8-ով,նշեց նա: կայուն հեռանկարով միջազգային ռեյտինգ ունենք, որի վրա չի ազդել անգամ 2014-15թթ. ճգնաժամային տարիների` պետական պարտքի 13 տոկոսանոց աճը. «Եթե միջազգային ներդրողները տեսնեին մեր հարկաբյուջետային քաղաքականության մեջ ռիսկեր, ապա չէին շարունակի աշխատել»: Ըստ նրա, որպես ոսկե կանոն` պետք է մակրոտնտեսական իրավիճակը կայուն պահենք. «Դա նվազագույն պայմանն է տնտեսական զարգացման համար։ Եթե դա չլինի, այն կհակազդի ներդրումներին։ Ներքին պարտքի շուկան կարեւոր է, քանի որ այն ուղենշային գներն է սահմանում։ Ներքին պարտքն այս պահին կազմում է 523 մլրդ դրամ։ Ամեն ինչ անում ենք, որ դա 8-10 տարվա շրջանակներում մնա։ Այս տարի մենք թողարկեցինք 30 տարիանոց պարտատոմսեր։ Սա աննախադեպ էր, քանի որ այն առանց տոկոսադրույքների բարձրացման էր եւ նախկին Խորհրդային միության երկրներում նման բան չի եղել դեռ»: Ըստ նրա` կարճաժամկետ պարտատոմսերը ձեռնտու չեն, քանի որ լիկվիդայնեցման խնդիր կարող ենք ունենալ։