Լարված իրավիճակ․ «Ալիեւ, ցեղասպան». ոստիկանները ՄԱԿ-ի դիմացից բերման ենթարկեցին քաղաքացիներին (video)
ՄԱԿ հայաստանյան գրասենյակի մոտ այսօր՝ հոկտեմբերի 4-ին, պիկետ է կազմակերպել «ԲԱՑՈւՄ» քաղաքացիական նախաձեռնությունը՝ Ալիևին պատժելու պահանջով։
«Սա մեր ցասման րտահայտման ամենամեղմ տարբերակն է, մեր բողոքի ձայնը բարձրացնելու միջոցն է, որն ուղղված է թե ՄԱԿ-ի հայաստանյան գրասենյակին, թե ՄԱԿ-ին, այս կազմակերպության անդամ կառավարություններին, յդ թվում ՀՀ գործող կառավարությանը: Մենք բարձրաձայնում ենք Արցախում տեղի ունեցած ցեղասպանական քաղաքականության մասին, որն իրականացնում է Ալիեւը, նրա հովանավորներն ու հանցակիցները»,- ասաց նախաձեռնության անդամներից Նարեկ Այվազյանը:
Նախաձեռնության մեկ այն անդամ էլ հավելեց, որ այսօր ունենք էթնիկապես զտված Արցախ եւ անհայտ է, թե ռուս խաղաղապահներն ում անվտանգությունը կամ խաղաղությունն են այնտեղ ապահովում. «Նաեւ անհայտ է, թե ՀՀ գործող վարչապետը վաղը ինչ է քննարկելու, բանակցելու երվրոպական հարթակում իր ադրբեջանցի գործընկերոջ հետ:
Նա ընթերցեց իրենց պահանջագիրը՝ ՄԱԿ-ի գլխավոր քարտուղար Անտոնիո Գուտերեշին:
Ինչ-որ հապի «Ալիև, ցեղասպան» բացականչություններով ՄԱԿ գրասենյակի դիմաց անկացվող հավաքի ընթացքում լարված իրավիճակ առաջացավ։ Քաղաքացիներից մեկը չոր փայտերով խարույկ վառեց միջազգային կազմակերպության երևանյան գրասենյակի դիմաց, ինչից հետո ոստիկաններն ուժով բերման ենթարկեցին մասնակցին։
Ակցիայի մյուս մասնակիցները շարունակում էին վանկարկել՝ «Ալիեւ ցեղասպան»: Նրանք կոչ էին անում ոստիկաններին չտանել իրենց ընկերոջը:
Ավելի վաղ «Բացում» նախաձեռնությունը հանդես էր եկել հայտարարությամբ, որտեղ նշել էր. «Մեր բողոքի միջոցառումը ուղերձ է հղում Միավորված Ազգերի Կազմակերպությանն ու անդամ երկրներին դիմել կոնկրետ քայլերի Ադրբեջանի ցեղասպան գործողությունները աննկատ չթողնելու, չարդարացնելու եւ պատժելու նպատակներով։ Մենք պահանջում ենք արդարություն զոհերի համար և պատիժ ալիևյան ռեժիմի, նրա հովանավորների և հանցակիցների գործած քրեորեն պատժելի մեղքերի համար:
Ցեղասպանությունը արյունով կամրջում է անցյալն ու ներկան՝ հիշեցնելով մեզ, որ մարդկությունը ուշացնում է շրջադարձ կատարել՝ դատապարտելով և պատժելով ցեղասպաններին։ Աշխարհի յուրաքանչյուր անկյուն, այդ թվում՝ Արցախը, պետք է զերծ լինի ցեղասպանության սարսափներից»:
Հետևեք մեզ Viber-ում
