Արտակարգ դեպք Շիրակի մարզում. հրշեջներն ու փրկարարները մեծ դժվարությամբ են պայքարում 10 հազար տուկ խոտի դեզում առաջացած կրակի դեմ
Shamshyan.com-ը գրում է.արդեն մեկուկես ժամից ավելի է ՝ Արտակարգ իրավիճակների նախարարության փրկարար ծառայության Շիրակի մարզային փրկարարական վարչության հրշեջ-փրկարարները, Աշոցքի թիվ 52, Ամասիայի թիվ 51 և Գյումրու թիվ 48 հրշեջ-փրկարարական ջոկատների ծառայողները Շիրակի մարզի Աշոցքի տարածաշրջանի Մեծ Սեպասար գյուղում գյուղացիների հետ պայքարում են գյուղի բնակիչ, 64-ամյա Նորայր Սահակյանին պատկանող ֆերմայում առաջացած խոշոր կրակի տարածման դեմ: Կրակը բռնկվել է մոտ 10 հազար հակի խոտերում, այդ թվում նաև խոտի դեզի մոտ կայանված ЗИЛ մակնիշի ավտոմեքենայում և կաթ տեղափոխող ցիստեռնում: Գյուղացիները անմասն չեն մնում հրդեհաշիջման աշխատանքներում, սակայն մինչև այս պահը չեն կարողանում մարել կրակը: Աշխատանքները տեղում ղեկավարում է Շիրակի մարզային փրկարարական վարչության պետ, փրկարար ծառայության գնդապետ Արթուր Կարապետյանը: Տեղում են նաև Ոստիկանության Աշոցքի բաժնի օպերատիվ խումբն ու տեղի հիվանդանոցի աշխատակիցները: Թե ինչն է եղել հրդեհի պատճառը՝ դա պարզ կլինի մի շարք փորձաքննություններ անցկացնելուց հետո:
Հետևեք մեզ Viber-ում
