Վերնիսաժի տարածքում սպանության գործով հետախուզվողներից մեկը հայտնաբերվել է (Տեսանյութ)

Սեպտեմբերի 14-ին Վերնիսաժի տարածքում հնչած կրակոցների սպանության գործով հետախուզվողներից մեկը հայտնաբերվել է: Ինչպես տեղեկանում ենք Ոստիկանության կայքէջից՝ ոստիկանության տարբեր ստորաբաժանումների ծավալուն ու հետևողական օպերատիվ-հետախուզական միջոցառումների շնորհիվ այսօր Կոտայքի մարզում հայտնաբերվել է սեպտեմբերի 14-ին Երևանի «Թուֆենկյան» հյուրանոցի մոտ տեղի ունեցած հանցագործությունը կատարած և հետախուզվող անձանցից մեկը՝ 1957 թվականին ծնված Ռաֆիկ Խաչատրյանը: Ռաֆիկ Խաչատրյանը ձերբակալված է: Մյուս հետախուզվողներին՝ 1982 թ. ծնված Ալբերտ Բլբուլյանին և 1984 թ. ծնված Արմեն Կարադավիդովին հայտնաբերելու ուղղությամբ միջոցառումները շարունակվում են: