Վաստակավոր բառի ներքո Բ-26-ում հասկանում են հարսանիքներում վաստակածը. նրանք արժանի՞ չէին

ՀՀ անկախության 26 ամյակի առիթով`ՀՀ նախագահ Սերժ Սարգսյանը հայկական շոու բիզնեսի երգիչ-երգչուհիների արժանացրել է ՀՀ վաստակավոր արտիստի կոչման: Նրանց թվում են Արամեն, Մհերը եւ Սիրուշոն: Նշյալ անձանց վաստակավորի կոչումներ շնորհելն այնքան էլ հասարակության համակրանքին չի արժանացել: Ֆեյսբուքում օգտատերերը կիսվել են իրենց կարծիքներով եւ նշել, թե կան արժանի արտիստներ, ովքեր մինչ այս այդ կոչմանը չեն արժանանում: Ֆեյսբուքյան օգտատերերի կարծիքները ներկայացնում ենք առանց խմբագրման: Տաթեւ Խաչատրյան. «Նախագահականը ոնց որ սոցիալական աջակցության վարչությունից լինի. վաստակավորի կոչումը չունեցողին ա տալիս»: Արամ Մանուկյան. «Կարգին Մկոյին հասնում ա ՀՀ վաստակավոր արտիստի կոչումը, ափսոս, որ տվողներն են անարժան»: «Ազգային հերոս Էռնեկյան ... երբ խոսքեր չկան , որ կարելիա ներսինդ հանես դուրս»: «Իմ համար ազգային հերոսներ են էն մարդիկ , ովքեր կյանքի ու արյան գնով պահել են էս երկիրը, ովքեր 2016 թվականին 80-ականի զենքերով, լապատկեքով ու իրանց պայթեցնելով կռվեցին, զոհվեցին ու չթողեցին թշնամուն առաջանալ ու կոտորել մարդկանց։ Ռոբերտ Աբաջյանն էլ հերոս, Էռնեկյանն է՞լ»։ Գագիկ Մամուլյան. «Ընկերներիս մեջ ազգային հերոս կա՞, արդագանկեկ, ստապ ա...»: Ստյոպա Սաֆարյան. «Սիրուշոն, Մհերը, Արամեն Հայաստանի վաստակավոր արտիստ... Երևի վաստակավոր բառի ներքո Բ-26-ում հասկանում են հարսանիքներում ու կորպորատիվներում վաստակվածը: Այստեղից իմանում ենք, թե երգիչներից ովքեր են շատ վաստակում: Բայց դա ի՞նչ կապ ունի Հայաստանի երգարվեստին մատուցած ծառայությունների հետ»: «Ռիտա Սարգսյանը հայտարարում էր, թե չի հարգում այն տղամարդկանց, ովքեր իրենց կնոջ խորհուրդներով ու ցուցումներով են շարժվում: Արդեն ակնհայտ է, որ վաստակավոր կոչումների հարցը ինքն է որոշում, իր ամուսինն էլ հլու-հնազանդ կատարում է: Վերջին տարիներին ռեստորանային ու փոքր բեմերի երգչիստներից-կոմպոզիտորներից վաստակավորի կոչում են ստացել նրանք, ովքեր առաջին տիկնոջը ուղեկցել են խնջույքներում ու հարսանիքներում: Եւ եթե սա է առաջին տիկնոջ ճաշակը, ցավալի է: Եւ եթե առաջին տիկնոջ նախասիրություններով երկրի նախագահը պետք է կոչումներ տա, բազմակի ցավալի է: Իսկ թե Ռիտա Սարգսյանը իր ասածն անող ամուսնուն հարգում է, թե չի հարգում, ինձ թույլ չեմ տա մտնել մատի և մատանու արանքը: Թող իրենք որոշեն»: Արման Մարգարյան. «Շնորհավորում եմ բոլոր նորաստեղծ վաստակավորներին, նրանց մեջ կան իրոք արժանիները, բաաաայց: Օրինակ Տիգրան Համասյանի մասին լսե՞լ եք: Ուրիշ հարց ա, որ իրան պետք չի էդ կոչումը, բայց դե կլկլ երգողները վաստակ ունեն, Համասյանը, որ ամբողջ աշխարհում ա հայտնի՝ չունի»: Ֆեյսբուքյան գրառումները հավաքել է armtimes.com-ը