Մոսկվան հարվածեց ռուս-ադրբեջանական հարաբերություններին. ԱԳՆ

Ադրբեջանական լրատվամիջոցները գրում են,որ Ադրբեջանի արտգործնախարարության խոսնակ Հիքմեթ Հաջիեւը հայտարարել էայն մասին,որ համառուսաստանյան ադրբեջանական կոնգրես հասարակական կազմակերպության լիկվիդացիայի մասին Ռուսաստանի Բարձրագույն դատարանի որոշումը լրջագույն հարված էր ռուս-ադրբեջանական ռազմավարական հարաբերությունների զարգացմանը: «Բարդ է հասկանալ նման որոշման պատճառը: Ճիշտ այն ժամանակ, երբ անարդար որոշում է կայացվում Ռուսաստանում ադրբեջանական սփյուռքի նկատմամբ, Ռուսաստանի հայերի միությունն այնտեղ լիովին աջակցություն է ստանում եւ շարունակում է գործունեությունը: Մենք զարմացած ենք, եւ ափսոսում ենք Համառուսաստանյան ադրբեջանական կոնգրեսի գործունեությունը դադարեցնող որոշման համար», -ասել է Հաջիեւը: