Պեկինը ՝«միլիարդատերերի նոր մայրաքաղաք»

Չինական «Հուրուն» ամսագիրը նոր զեկույց է հրապարակել՝ գնահատելով վերջին 5 տարվա ընթացքում միլիարդատերերի հարստությունն ամերիկյան դոլարով: Միլիարդատերերի թվով Պեկինն առաջ է անցել Նյու Յորքից՝ դառնալով «միլիարդատերերի նոր մայրաքաղաք»:   Չինաստանի մայրաքաղաքում այժմ ապրում է 100 միլիարդատեր, մինչդեռ Նյու Յորքում՝ 95: Պարզվել է, որ նախորդ տարվանից Պեկինում միլիրադատերերի թիվն ավելացել է 32-ով, մինչդեռ Նյու Յորքում՝ ընդամենը 4-ով: Ի դեպ, Չինաստանում նման առաջընթաց է գրանցվել՝ չնայած տնտեսության անկմանը: Ամեն դեպքում, թեեւ միլիրադատերերի քանակով Չինաստանն առջեւում է, «Հուրուն»-ի միլիարդատերերի ցանկում առաջին տասնյակը գլխավորում են ամերիկացիները: Իսկ Չինաստանի ամենահարուստ մարդը գործարար Վան Ցզյանլինն է, որի հարստությունը գնահատվում է 26 միլիարդ դոլար: Ի դեպ, զեկույցի համաձայն, ընդհանուր առմամբ ամբողջ աշխարհում կա 2188 միլիարդատեր: