Տասնյակ հազարավոր եվրո են զուգարանի մեջ նետել

BBC-ի փոխանցմամբ՝ Շվեյցարիայում դատախազությունը հետաքննություն է սկսել այն բանից հետո, երբ Ժնեւում տասնյակ հազարավոր եվրո են նետել զուգարանակոնքի մեջ։ 500 եվրո անվանական արժեքով թղթադրամները հայտնաբերվել են Ժնեւում UBS բանկի բաժանմունքի ու հարակից ռեստորանների զուգարաններում։ Թղթադրամները, որոնցից շատերը մկրատով կտրատված էին, մի քանի ամիս առաջ էին գտել, սակայն այդ մասին հիմա է հայտնի դարձել։ Միջադեպից հետո մի քանի հազար շվեյցարական ֆրանկ են ծախսել՝ խողովակները մաքրելու համար։