Հենրիխ Մխիթարյան. Շատ բարդ խաղ էր
«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը՝ մեկնաբանելով հաղթանակը «Էվերտոնի» նկատմամբ Անգլիայի առաջնության 5-րդ տուրում, ասել է, որ շատ բարդ խաղ էր: «Ցանկանում էինք հաղթել այս խաղում եւ նույնիսկ չէինք մտածում ոչ ոքի արդյունքի մասին: Գիտեինք, որ «Էվերտոնը» պրեսինգի կդիմի, ինչը տարածություն կտա մեզ: Այդ պատճառով էլ սպասում էինք մեր շանսին: Մեր առաջին գոլը հրաշալի էր: Դրա շնորհիվ մենք ավելի շատ վստահություն եւ հանգստություն ստացանք սկզբից: Հաշիվը կարեւոր չէ, կարեւոր է հաղթանակը»,- Մխիթարյանի խոսքը մեջբերում է BBC-ն:
Հետևեք մեզ Viber-ում
