ԿԺԴՀ-ի շուրջ հակամարտությունը չի կարելի կարգավորել առանց Մոսկվայի, Վաշինգթոնի, Պեկինի համագործակցության

Հյուսիսային Կորեայի շուրջ հակամարտությունը հնարավոր չէ կարգավորել առանց երեք երկրների՝ Ռուսաստանի, ԱՄՆ-ի ու Չինաստանի համագործակցության։ Այս մասին հայտնել է Գերմանիայի ԱԳ նախարար Զիգմար Գաբրիելը՝ Չինաստան կատարած այցելության ժամանակ։ «Առանց այդ երեք երկրների համագործակցության մենք խնդիրը չենք լուծի: Անհրաժեշտ է պատժամիջոցների ու դիվանագիտական առաջարկությունների համադրություն: ԿԺԴՀ օրինակը կարող է վարակիչ դառնալ ու հանգեցնել նրան, որ մյուս պետություններն էլ կձգտեն ձեռք բերել միջուկային զենք: Մեր հարեւան պետությունները, Աֆրիկայում, այդ ժամանակ կասեն՝ «Տեսեք, դա հնարավոր է»։ Աշխարհը տեսնում է, ու ոչինչ տեղի չի ունենում»,- նշել է Գերմանիայի ԱԳ նախարարը, փոխանցում է ՏԱՍՍ-ը։