Հյուսիսային Կորեան ձգտում է ԱՄՆ-ի հետ ռազմական հավասարակշռության. Փխենյան

Հյուսիսային Կորեայի առաջնորդ Կիմ Չեն Ինը հայտարարել է, որ Հյուսիսային Կորեան մոտ ժամանակներս կավարտի սեփական միջուկային ուժերի ստեղծումը՝ չնայած երկրի դեմ սահմանված միջազգային պատժամիջոցներին: Ինչպես ասել է՝ Փխենյանը ձգտում է ԱՄՆ-ի հետ ռազմական հավասարակշռության հասնել: Այս մասին գրում է Gazeta.ru-ն՝ հղում տալով «ABC News»-ին: Հիշեցնենք, որ Հյուսիսկորեական լրատվական գործակալությունն այսօր հրապարակել է լուսանկարներ վերջին հրթիռային փորձարկումից: Հյուսիսային Կորեան հրթիռային հերթական փորձարկումն իրականացրել է սեպտեմբերի 15-ին, որից նախագահ Կիմ Չեն Ինը գոհ է մնացել: