Իրանը սկսել է զորավարժություններ

Իսլամական հեղափոխության պահապանների կորպուսի (Իրանի ԶՈւ էլիտար զորամասեր) ռազմածովային ուժերը զորավարժություններ են սկսել Պարսից ծոցի Աբու Մուսա կղզու շրջանում, որի պատկանելությունը վիճարկում է Արաբական Միացյալ Էմիրությունները։ Այս մասին տեղեկացրել է Իրանի IRNA գործակալությունը։

Նպատակը՝ Կասպիականի ավազանում կոլեկտիվ անվտանգությանը նպաստելն է, ինչպես նաեւ նորագույն սպառազինությունների ցուցադրությունն ու մարտական պատրաստականության ստուգումը։

Նշենք, որ զորախաղերի անվտանգությունն ապահովում են ռազմաօդային ուժերի ստորաբաժանումները։

Tasnim գործակալությունը տեղեկացրել է, որ որոշ կղզիներում, այդ թվում Աբու Մուսայում, տեղակայվել են «Ֆաթհ» բալիստիկ հրթիռներ և «Կադիր» թևավոր հրթիռներ՝ 120 և 300 կիլոմետր հեռահարությամբ՝ համապատասխանաբար։ Ըստ գործակալության՝ զորավարժությունների ժամանակ գործադրվել են նաև հեռակառավարվող նավեր և անօդաչու թռչող սարքեր։