Զախարովան՝ Վագիֆ Խաչատրյանի առեւանգման մասին (video)
Նախ՝ տեղի ունեցածն, անկասկած, դժվարացնում է առանց այդ էլ բարդ, բայց անհրաժեշտ հանգուցալուծումների, փոխզիջումների եւ լուծումների որոնումը։ Դա, իհարկե, բարդացնում է իրավիճակը։ Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով այն հարցին, թե ինչ է արվում վերջին օրերին Ադրբեջանի կողմից կալանավորված արցախահայերին վերադարձնելու համար։
«Երկրորդ, մենք տեսել ենք հայկական եւ ադբեջանական կողմերի տրամագծորեն հակադիր գնահատականները։ Երրորդ, ոչ այս կոնկրետ միջադեպի առիթով, մենք ելնում ենք հաշտեցման կարեւորությունից, ինչպես հայ-ադրբեջանական կարգավորման, այնպես էլ Ղարաբաղի բնակչության իրավունքների եւ անվտանգության ապահովման կարեւորությունից»,- ընդգծել է Զախարովան։
Հիշեցնենք, որ Ղարաբաղի 68-ամյա բնակիչ Վագիֆ Խաչատրյանը, որը բուժման համար տեղափոխվում էր Հայաստան, հուլիսի 29-ին առեւանգվել է եւ անօրինաբար կալանավորվել Ադրբեջանի կողմից Լաչինի անօրինական անցակետում։ Իսկ օգոստոսի 1-ին ադրբեջանական սահմանապահ ծառայությունը կալանավորել է Արցախի մեկ այլ բնակչի՝ Ռաշիդ Բեգլարյանին։
Հետևեք մեզ Viber-ում
