Նիկոլի ցինիկ պատասխանը՝ Վարդան Օսկանյանի հայտարարություններին (video)
Վարչապետ Նիկոլ Փաշինյանը պնդում է՝ կաշկանդվածություն չունի Արցախի հարցով նույն սեղանի շուրջ նստել ՀՀ նախկին նախագահների հետ:
«2020 թվականի պատերազմի ընթացքում նման նախաձեռնություն եղել է ԼՂ պաշտոնաթող նախագահների կողմից, ու ես ընդունել եմ այդ նախաձեռնությունը, բայց հետագայում նրանք հրաժարվել են այդ նախաձեռնությունից, շատ մանրամասներ չգիտեմ, թե ով ինչու է հրաժարվել, բայց ես գիտեմ, որ այդ պատրաստակամությունը ունեցել եմ։ Եթե նոր նախաձեռնություն լինի, դրա նկատմամբ վերաբերմունք կարտահայտեմ», - մամուլի ասուլիսի ժամանակ պատասխանելով Aysor.am-ի հարցին՝ ասաց Նիկոլ Փաշինյանը:
Aysor.am-ի մյուս դիտարկմանը, որ ՀՀ նախկին արտգործնախարար Վարդան Օսկանյանը դիմել էր իրեն՝ ակնկալելով հնարավորություն՝ բեկում մտցնել Ադրբեջանի հետ բանակցություններում՝ վարչապետն ասաց, թե նման հայտարարություններ կարող են անել ՀՀ նախկին բոլոր արտգործնախարարները:
«Եթե պետք էր բեկում մտցնել, կարծում եմ, պարոն Օսկանյանը իր պաշտոնավարման ընթացքում կարող էր բեկում մտցնել ու բոլորից տեսանելի դարձնել այդ բեկումը», - ասաց նա:
Նիկոլ Փաշինյանն ասաց, թե ուշադիր հետևել է Օսկանյանի բոլոր հայտարարություններին ու որևէ օգտակար բան չի տեսել դրանցում:
Հետևեք մեզ Viber-ում
