ՊՆ ազատումները հասան գեներալներին
Տևական ժամանակ է, ինչ Ազգային ժողովի ընտրություններում պատգամավորության թեկնածու առաջադրված ՀՀ պաշտպանության նախարար Վիգեն Սարգսյանը լծվել է նախարարությունում լրջագույն փոփոխություններ իրականացնելու գործընթացին: «Ժողովուրդ» օրաթերթի տեղեկություններով` բարեփոխումների անվան տակ պաշտոնից կազատվեն նաև ՊՆ հնաբնակ շատ գեներալներ: Առաքելության հետքերով Մայիս ամսին աշխատանքից ազատվեցին պաշտպանության նախարարության ռազմական ոստիկանության պետ Սամվել Ղուկասյանը, Երևանի Կենտրոնական կլինիկական զինվորական հոսպիտալի պետ Արամ Ասատուրյանը: Այս գործընթացից հետո՝ մեկ ամիս անց, հունիսի 15-ին, սկսվեց կադրային փոփոխությունների ընթացքը, մասնավորապես գեներալ-մայոր Օնիկ Գասպարյանը ազատվեց ԶՈւ գլխավոր շտաբի պետի տեղակալի պաշտոնից և նշանակվեց ԶՈւ գլխավոր շտաբի պետի առաջին տեղակալ, իսկ օրերս Արա Նազարյանը ազատվեց ՀՀ պաշտպանության նախարարի տեղակալի պաշտոնից՝ նշանակվելով արտակարգ իրավիճակների նախարար Դավիթ Տոնոյանի տեղակալ: Այն, որ Վիգեն Սարգսյանը պետք է փոփոխություններ իրականացնի բանակում, ի սկզբանե հայտնի էր, քանի որ նա պաշտպանության նախարարի պաշտոնում գործուղվել է հենց այդ առաքելությամբ: Եւ ինչպես ցույց են տալիս զարգացումները, պաշտպանության նախարարությունում կադրային փոփոխություններն ու ազատումները այսքանով չեն ավարտվելու: Հեռացնում է Նկատենք, որ Վիգեն Սարգսյանը, չլինելով զինվորական, նույնիսկ զինվորական ծառայություն չանցած մարդ, ավելի անկաշկանդ է: Մինչ այս, եթե ՊՆ որևէ պաշտոնյայի թեթև ձեռքով որևէ բան էր պակասում բանակում, կամ այլ անցանկալի երևույթ արձանագրվում, միանգամից խիստ պատիժ չէր հետևում դրան. կա՛մ նախազգուշացվում էր, կա՛մ վնասն էր վերականգնում, կա՛մ էլ, վատագույն դեպքում, տուգանքի էր ենթարկվում: Իսկ հիմա Վիգեն Սարգսյանն անխնա ազատում է պաշտոնից անգամ երկարամյա գործունեություն ծավալած սպաներին կամ անկաշկանդ հանձնում նրանց իրավապների ձեռքը: Մանրամասները՝ այստեղ:
Հետևեք մեզ Viber-ում
