Google-ը 27 մլն եվրո կհատկացնի լրատվական կազմակերպություններին

Google ընկերության գործադիր տնօրեն Սունդար Պիչային հայտարարել է, որ ընկերությունը 27 մլն եվրո կհատկացնի Եվրոպայում 128 լրատվական կազմակերպությունների` Digital News նախագծի շրջանակում: Տնօրենի խոսքով` նման ֆինանսավորման նպատակը «թվային լրագրության ոլորտում նորարարությունների խթանումն է»: Սունդար Պիչային հայտնել է, որ ֆինանսական օգնություն կստանան տարբեր կազմակերպություններ` ոչ մեծ ստարտափերից մինչև խոշոր, վաղուց գործող լրատվական կազմակերպություններ: Տվյալ ծրագրի մասնակիցների ցուցակը կհայտարարվի մոտ ապագայում, սակայն արդեն հայտնի է, որ դրանում ներառված է France Presse գործակալությունը, , գրում է РИА Новости-ն: