Խաչատուր Սուքիասյանի խայտառակ հայտարարությունը (video)

Վարդան Օսկանյանն այն անձն է, որը ժամանակին խորհուրդ է տվել, որ Ղարաբաղը կարող է դուրս գալ բանակցային կողմ լինելուց, ԱԺ-ում լրագրողների հետ զրույցում ասաց ՔՊ-ական Խաչատուր Սուքիասյանը՝ արձագանքելով հարցին, թե ինչու է իշխանությունը մերժում նախկին արտգործնախարար Վարդան Օսկանյանի առաջարկները։

«Նախ, պետք է մի հատ հասկանանք՝ էդ որ արվեց, դրանից հետո Ղարաբաղն ի՞նչ աստիճանի վնասներ կրեց, նոր դրանից հետո հասկանանք, թե ով ինչ է ասում։ Հիմա ամեն ինչ թափանցիկ է և մարդիկ չեն մոռանում, թե մարդն իր գործունեության ընթացքում ինչ սխալներ է կատարել։ Չեմ ուզում ավելի ընդլայնվել այդ հարցում, բայց եթե նման մարդը 10 տարի Հայաստանում չգտնվելով ... նախ պետք է մեր մարմինները հասկանան՝ որտեղ է եղել, ինչով է զբաղվել, ով է նա վերջին 10 տարում։ Բա որ ինքը 10 տարի արտաքին գործերի նախարար է եղել, բա ո՞նց չի լուծել էդ խնդիրը, հիմա գալիս է լուծի՞ 3 ամսում։ Պետք է լուրջ քննության ենթարկվի նրա վերջին 30 տարվա գործունեությունը՝ ով է այդ անձը», - ասաց Խաչատուր Սուքիասյանը։