«Շատ վիրավորական արտահայտություն չի արել Վահրամը». Լևոն Մկրտչյան
Կրթության և գիտության նախարար Լևոն Մկրտչյանը լրագրողների հետ զրույցում ասաց, որ նորմալ է վերաբերում իր տեղակալ Վահրամ Մկրտչյանի հայտարարությանը, թե կրթության փորձագետ Անահիտ Բախշյան չի ճանաչում, իսկ «այդ սուբյեկտը վերջերս ազատվեց կրթության ազգային ինստիտուտի փոխտնօրենի պաշտոնից»:«Ես տեղյակ չեմ Վահրամ Մկրտչյանի կողմից արված նման հայտարարությանը, սուբյեկտը վիրավորական չէ, մենք բոլորս սուբյեկտ ենք: Ամեն դեպքում շատ վիրավորական արտահայտություն չի արել Վահրամը»,- ասաց նա: Լրագրողների հիշեցմանը, որ Վահրամ Մկրտչյանը հայտնի է որպես «մարդ առևանգող» և Բարսեղ Բեգլարյանի ակտիվ թևից է, Լևոն Մկրտչյանը հորդորեց որակումներից զերծ մնալ:
Հետևեք մեզ Viber-ում
