Այդ քայլին գնալուց առաջ ՔՊ-ն պետք է երկար մտածի․ Էդգար Ղազարյան (video)

Սա դեռ սկիզբն է, և շատ մարդիկ կան, որ նոր են նախապատրաստվում գալ այս գործընթացին մասնակցություն ունենալու համար, «ՀայաՔվե»-ի ստորագրահավաքի մեկնարկին ասաց ՍԴ նախկին աշխատակազմի ղեկավար Էդգար Ղազարյանը։

«Ես հույս ունեմ, որ պահանջվող ստորագրություններն ավելի շուտ կհավաքվեն։ Մարդիկ սպասում էին նման նախաձեռնության։ Սա նաև այս իշխանությունների հանդեպ իրենց վրդովմունքն արտահայտելու առիթ ու հնարավորություն է», - նշեց նա։

Ղազարյանն ավելացրեց, որ ՀՀ պատմության մեջ սա առաջին դեպքն է, երբ քաղաքացիները նխաձեռնություն են ցուցաբերում օրենսդրական փոփոխություն իրականացնելու.«Եվ եթե դա պետք է արգելվեր, խոչընդոտվեր միայն վարչական ճանապարհով, կարծում եմ, որ դա մեծ խնդիրներ կարող էր առաջացնել հենց իրենց համար։ Եթե պարզվի, որ ԱԺ պատգամավորները պետք է դեմ լինեն օրենքի այս նախագծին, ապա իրենք պետք է հաշվետվություն ներկայացնեն մեր ժողովրդին»։